Aranès
enes Hèts de Prats de Molló (1926), mòrt en exili en Belgica.
Ripoll, 1901 – Brussèlles, 1927
* * * *
Francesc Català i Serra s’afilièc en 1922 a Estat Català, un partit politic –ara centenari– que se definie coma independentista, republican, progressista e insurreccionau, fondat aqueth madeish an per Francesc Macià. Ei eth mès antic de Catalonha qu’encara a activitat.
En seteme de 1926 s’incorporaue volontari ar Exèrcit Català organizat per Estat Català, en ua operacion coneishuda com es Hèts de Prats de Molló, que consistie en ua insurreccion armada qu’auie d’entrar en Catalonha a trauès dera Catalonha deth Nòrd per dues vies, que confluirien en Olot, e qu’auie de proclamar era Republica Catalana. Un viatge artenhut açò, s’aurie de compdar damb era complicitat de d’autes comarques e localitats deth país e promòir ua vaga generau en ciutats catalanes. Aguest ripolhés siguec ua des cent dotze persones que signèren eth jurament de compromís entà amiar a tèrme era accion.
Eth 4 de noveme, era policia francesa ordenèc era detencion des volontaris ena Vil·la Denise de Prats de Molló. Català siguec un des prumèrs arrestadi portadi tà Perpinyà. Les jutgèren e eth 29 de noveme demorèren en libertat, damb ua orde d’expulsion deth territòri francés. Siguec un des milicians acuelhudi en Belgica, mès ena primauera de 1927 siguec espitalizat en un espitau de Brussèlles, a on moric eth 28 de junh.
Siguec enterrat en cementèri d’Anderlecht e er enterrament venguec un acte politic damb desfilada peth centre de Brussèlles. Francesc Macià (futur president dera Generalitat de Catalunya) amiaue eth seguici funèbre.